Жаңа жылдық салаттар мәзірі

Әне-міне дегенше жаңа жыл да келіп қалады. Мерекелік көңіл-күй сыйлайтын салат дайындағыңыз келсе, мына мәзірлерді қарап көріңіз.  Дереккөз: ernur.kz

«Жаңа жыл» салаты


Қажетті өнімдер:

  • 300 гр. тауық еті
  • Дәміне қарай тұз қосылады.
  • 340 гр. консервіленген жүгері
  • 2 дана киви
  • 150 гр. сыр
  • 4 дана жұмыртқа
  • 1 дана сәбіз
  • 6-7 ас қасық майонез


Дайындалу тәсілі:

  1. Барлық керекті өнімдерді алдын ала дайындап аламыз. Тауық етін, сәбізді, жұмыртқаны қайнату керек. Сосын тауық етін сүйегінен ажыратып, майдалап тураймыз. Сәбіз бен жұмыртқаны ірі үккіштен өткіземіз. Ал, сырды майда үккіштен өткізген дұрыс. Жүгеріні ашып, суын төгіп тастаймыз.
  2. Енді осы өнімдерді кезек-кезегімен тәрелкеге қабаттап салу керек. Әрбір қабатитың арасына майонез жағып отыруды ұмытпаймыз.
  3. Бірінші қабат – жұмыртқа мен майонез.
  4. Екінші қабат - тауық еті. Майонез жағып, тұз себелейміз.
  5. Үшінші қабат – үккіштен өткізілген сәбіз.
  6. Төртінші қабат – сыр. Сырды салаттың барлық беріне себелейміз. Сосын оның бетіне жүгеріні суреттегідей етіп орналастырып шығамыз.
  7. Зәйтүннен доңыздың көздерін жасап, шұжықтан құлағы мен құйрығын жасауға болады. Кивидің қабығын аршып, ортасынан бөлесіз де, жартылай дөңгелек қалпында турап, салатты суреттегідей етіп әсемдеп шығасыз. «Жаңа жыл» салаты дайын! 

 


«Шырша» салаты



Қажетті өнімдер:

  • 130 гр. шұжық
  • 100 гр. консервіленген жасыл бұршақ
  • 50 гр. сыр
  • 2 дана жұмыртқа
  • 1 дана балғын қияр
  • 1 бума аскөк
  • 2 ас қасық майонез
  • Әсемдеу үшін қызанақ пен консервіленген жүгері қажет.
  • Дәміне қарай тұз салынады.
     

Дайындалу тәсілі:

  1. Қиярды текшелеп әрі ұсақтап турау керек.
  2. Шұжықты да дәл солай труаймыз. Сырды үккіштен өткіземіз.
  3. Барлығын бір табаққа салып араластырып, консервіленген жасыл бұршақты, қайнатылып туралған жұмыртқаны, майонезді саламыз.
  4. Дәміне қарай тұз салып, барлығын жақсылап араластырамыз.
  5. Енді осы араласпаны тәрелкеге саламыз. Салатты тәрелкедегідей шырша жасай салуц қажет. Бетіне майдалап туралған аскөкті себелейміз де, қызанақпен, жүгерімен ойыншықтарын жасаймыз.
  6. Мінекей, шыршамыз да дайын болды.
     

 

Астарыңыз дәмді болсын! Жаңа жыл құтты болсын!

 

0
түсініктер
Қамыр илеу құпиялары
Қарау
Ұннан жасалатын тағамдардың көтеріліп піскенін қаласаңыз
Қарау
Ас үйіңізде тұруы керек 10 тағам
1. Бал. Иммунитетіңізді қатайтып, күш-қуатыңызды арттырады. Сонымен қатар ас үйіңізде бал тұрса, қантты ұмытуға да болады. 2. Банан. Жүрек аурулары мен инсульттің алдын алуға көп көмегін тигізеді. Және оның құрамында бұлшық етке пайдалы калий элементі бар. 3. Геркулес. Тамырларыңызды тазалап, асқазан, ішек ауруларынан сақтайды. 4. Саумалды
Қарау
Сәбіз салаты
Қарау
Ірімшік туралы не білесіз?
Қарау
Қызылша салаты
Қарау
Көңіл күйді жақсартатын тағамдар анықталды
Қарау